商品搜尋
0
購物車

2019最適合迎接聖誕嘅美甲款式!

仲有唔夠一個月就到聖誕節,當然要幫對手迎合返節日氣氛啦~

聖誕節倒數緊,就算你幾忙都好,都唔好唔記得幫你對手扮靚啊!無論係有特色嘅圖案定係簡單嘅閃粉亮片效果,都可以即時為造型增添節日氣氛。呢15 款別具特色嘅聖誕指甲彩繪款,絕對係你今個聖誕要作嘅新嘗試,唔少款式更加係簡單到喺屋企 DIY都可以㗎!

將薑餅人、雪花、聖誕老人、雪人等聖誕節嘅元素呈現係指甲上,呢款真係超級可愛!

用裸色系作爲底色,以珍珠取代聖誕珠飾,砌出有聖誕氣氛嘅圖樣,呢款美甲就算係平時返工都唔會覺得太誇張,但又非常有亮點。

用白色同灰藍色做底色,將毛絨絨嘅聖誕樹同聖誕節的立體元素貼係指甲上,妳嘅指甲望落去搶眼又唔會太多顔色。

喜歡閃石嘅女仔,不妨選擇款以閃石堆砌彩色聖誕樹同聖誕裝飾,雙手時刻閃閃生輝!

紅色同綠色為主就最切合聖誕節呢個主題啦!

立體嘅聖誕老人你又試過未呢?

甲面寫上Merry Christmas字句,相當應節。

以藍色為基調,利用閃粉打造雪花紛飛嘅星空感,優雅又帶點神秘氣息,再用簡單聖誕圖繪點綴。

聖誕節不一定要紅紅綠綠,銀白色嘅款式加入雪花和閃粉亮片等小配件,彷彿白雪覆蓋係美甲上,令你更優雅地過白色聖誕~

如果想要低調一啲,可以選擇清新文青感嘅圖案同配色,聖誕節嘅元素只係呈現喺一兩隻手指上,睇起嚟就會多啲優雅。

一定紅有聖誕氣氛,藍色、金色都有意想不到效果架!

呢款立體編織美甲實質係模仿冬日毛冷嘅編織圖案!除咗可以自己郁手畫,市面上亦已經有類似嘅美甲貼紙,立體感十足,淨係望下都已經覺得好溫暖!
今年繼續大熱Chanel Tweed Jacket 款式,巧妙利用粗幼不一線條,交叉畫出經典Tweed花紋,款式大方得體
秋冬最流行秋葉色特別適合聖誕節嘅氣氛,搽起黎又十分顯白,再以Bling Bling嘅金色黎點綴,就係一款最經典嘅聖誕美甲啦!
近期美甲大熱趨勢都以簡約為主,除了甲邊,指甲半月位亦不容忽略,以細亮片半月位點綴,簡潔而搶眼。

以上小編分享咗一啲今年流行嘅聖誕美甲款式,希望對大家有幫助啦。我地HONEY+C有獨家代理香港製造嘅ENAIL梓甲套裝同每日更新最新韓國女裝款式,等大家可以安坐家中,輕輕鬆鬆透過網絡買到最新款嘅韓國女裝同埋自己都可以輕輕鬆鬆係屋企GEL甲扮靚靚啦。我地YOUTUBE CHANNEL仲有簡單易學嘅教學短片,包保手殘嘅你都一定學識啊!

歡迎查詢:

WHATSAPP:6827 9431
FACEBOOK: HONEYPLUSC
INSTAGRAM: @HONEYPLUSCSHOP 
網址:HTTPS://WWW.HONEYPLUSC.COM/